Paano ba ang tamang pagbuhos sa inidoro?

Kalalabas ko lang ng comfort room (CR). Medyo nagtagal ako sa loob dahil sa isang eksperimento. Napansin ko kasi na 'yung mga mumurahing inidoro kagaya ng sa amin, kahit walang flush, ay kailangan mo pa rin ng maraming tubig para umilalim ang anumang gusto mong umilalim.

Bukod sa maaksaya ito sa tubig, nagiging matagal din ang pagbuhos. Minsan kasi, kahit isang timba na ibinuhos mo, may nititira pa ring maliit na bagay at tila ba makulit na ayaw umilalim kahit isang oras ka ng nagbubuhos.

Upang malaman ko kung paano ba ang pinakamadaling paraan ng pagbuhos, sinubukan ko ang tatlong style. Una ay direktang pagbuhos o head-on flush style. Pangalawa ay ang pagbuhos sa bandang likuran ng inidoro o back flush style. At ang pangatlo ay ang pagbuhos sa gilid o side flush style.

At ang findings: (Tantananan!)

Ang pinakamadali at pinakamatipid sa tubig ay ang... (Dandarandan!) side flush style!

I'm sure magtatanong kayo kung bakit. Bakit nga ba? Ayon sa aking oserbasyon, kapag nagbuhos ka sa bandang side ng inidoro, ang direksyon ng tubig ay paikot dahil pabilog ang butas ng inidoro. (Wala pa naman akong nakitang triangle na butas ng inidoro.)

At dahil ang butas ay diretso sa ilalim, nag-aaccelerate ang tubig pababa at nakakabuo ng parang suction na parang ipu-ipong patiwarik at hinihigop nito pailalim ang bagay na dapat umilalim.

Try nyo.

P.S.
Safe din ang side flush style laban sa tilamsik. Yuck!